Programming For Beginner

မင်္ဂလာပါ။

မြန်မာလို ရေးသားထားတဲ့ programming ကို စတင်လေ့လာတဲ့ စာအုပ်ကို မတွေ့ ဖြစ်တာနဲ့ ဒီ စာအုပ်ကို ရေးမယ်လို့ ဆုံးဖြတ်ဖြစ်တာပါ။ ဒီ စာအုပ်ဟာ programming ဆိုတာ ဘာမှန်း မသိသေးတဲ့ သူများ အတွက် ရည်ရွယ်ပါတယ်။ ဒီ စာအုပ်ဖတ်ပြီးရင် program တွေ ရေးလို့ ရမလား ဆိုတော့ ရတယ်လည်း ဆိုလို့ ရသလို မရဘူးလည်း ဆိုလို့ရပါတယ်။ ဒီ စာအုပ်ဟာ အခြေခံ ဖြစ်တဲ့ အတွက် အခြေခံ သဘောတရားကို အဓိက ထား ရေးသားထားပါတယ်။ Programming အတွက် python language ကို အသုံးပြုပြီး ရေးသားထားပါတယ်။ သို့ပေမယ့် windows form တွေ ui button တွေ စသည့် UI ပိုင်းဆိုင်ရာတွေ မပါဝင်ပါဘူး။ Database ပိုင်းဆိုင်ရာတွေ လည်း ပါဝင်မှာ မဟုတ်ပါဘူး။

စာအုပ်ဟာ အခြေခံ ပိုင်းဆိုင်ရာ ကို အဓိက ထားတဲ့အတွက် Python language သင်ကြားပေးတဲ့ စာအုပ်မဟုတ်တာကို သတိပြုစေလိုပါတယ်။ Programming ဆိုတာ ဘာလဲဆိုတာ သိချင် စမ်းချင်သူတွေ ၊ နောက်ပြီး Programming ဆိုတာ ကို လေ့လာချင်သူတွေ အတွက် အခြေခံ ပိုင်း ဆိုင်ရာတွေ ရေးသားထားပါတယ်။ အခြေခံတွေ ဖြစ်တဲ့ အတွက်ကြောင့် ဒီ စာအုပ် ဖတ်ပြီးတာနဲ့ လုပ်ငန်းခွင် ဝင်လို့ မရပါဘူး။ တခြား နှစ်သက်ရာ language တွေကို စပြီး လေ့လာနိုင်အောင် တော့ အထောက် အကူပြုမယ်လို့ မျှော်လင့်ပါတယ်။

Programming အနေနဲ့ လုပ်ငန်းခွင် ဝင်ဖို့အတွက် အနည်းဆုံး ၁ နှစ်လောက် လေ့လာဖို့ လိုပါတယ်။ ဒီစာအုပ်ဟာ programming ကို လေ့လာလိုသူတွေ အတွက် ပထမဆုံး လှေကားထစ် တစ်ခုမျှသာ ဖြစ်ပါတယ်။ Programming ကို ရေးသားရာမှာ စဉ်းစား တွေးခေါ်တတ်ဖို့ ပြဿနာတွေ ဖြေရှင်းတတ်ဖို့ အတွက် အခြေခံ အဆင့် အဖြစ်သာ ရှိပါတယ်။ ဒီ စာအုပ်ကို ပြီးအောင် ဖတ်ဖြစ်ခဲ့ရင်တော့ နောက် အဆင့်တွေကို လွယ်လင့် တကူ လေ့လာနိုင်မယ်လို့ မျှော်လင့် ပါတယ်။

ဒီစာအုပ်ဟာ ကျွန်တော အရမ်းကြိုက်သည့် Brad Miller, David Ranum တို့ ရေးသည့် Problem Solving with Algorithms and Data Structures စာအုပ်ကို မှီငြမ်း ကိုးကားထားသည်များ ပါဝင်ပါတယ်။ သို့ပေမယ့် စာအုပ်တစ်အုပ်လုံး ဘာသာပြန်ထားခြင်း မဟုတ်သည်ကိုတော့ သတိပြုစေလိုပါတယ်။

results matching ""

    No results matching ""